Loading ...Sasia e madhe e mbetjeve inerte që qytetarët depozitojnë në konteinerë ka detyruar bashkinë e Fierit të ngrejë tre pika shtesë për depozitimin e tyre si edhe të njoftojë penalitete për qytetarët që i hedhin këto mbetje në kosha mbeturinash.
Vendimi i fundit i këshillit Bashkiak vendosi hapjen e 3 pikave të përkohëshme për depozitimin e mbetjeve inerte ne zonat periferike duke kontraktuar një kompani private për transportin e tyre.
Sipas vendimit te KB, në venddepozitimin e fshatit Grykë, sipërfaqja në dispozicion për mbetjet inerte është 2 ha tokë, në Drizë afërsisht 5 mije metra katrorë dhe në Sheq të Madh pritet të përzgjidhet një sipërfaqje prej 3 hektarësh.
Mbetjet inerte që depozitohen nga qytetarët por, edhe ato qe rezultojnë nga prishja e objekteve gjatë projekteve të ndryshme infrastrukturore, janë shnderruar në sfidë për pushtetin vendor në Fier duke qënë se nuk mund të trajtohen me metodën e kompresimit, praktikë kjo që po ndiqet për trajtimin e mbetjeve të tjera urbane.
Hapja e vendeve rë posaçme për depozitim, parashikon edhe prespektivën që keto mbetje të ripërdoren për projekte infrastukture në zonat ku po grumbullohen./abcnews.al
