Loading ...
Policia në Ekuador është përballur me një zbulim të pazakontë gjatë sekuestrimit të 469 kilogramëve kokainë pranë kufirit me Kolumbinë: në paketat e drogës ishte stampuar fytyra e yllit norvegjez të futbollit, Erling Haaland.
Policia arrestoi drejtuesin e kamionit dhe gjeti 370 pako të fshehura në një ndarje të rreme të automjetit. Autoritetet nuk dhanë shpjegime për përdorimin e imazhit të Haalandit, por thanë se trafikantët shpesh përdorin emra dhe imazhe të personazheve të njohur për të identifikuar rrjetin kriminal ose klientin e ngarkesës.
Haaland është një prej golashënuesve më të mirë të futbollit dhe është bërë një fenomen në rrjetet sociale, veçanërisht pas paraqitjeve të tij në Kupën e Botës.
Ai nuk është futbollisti i vetëm që është shfaqur në ngarkesa droge. Edhe imazhi i kapitenit të Argjentinës, Lionel Messi, është gjetur më parë në një pako të sekuestruar.
Ekuadori konsiderohet një qendër e rëndësishme logjistike për trafikun e drogës drejt Shteteve të Bashkuara dhe Evropës. Sipas policisë, rreth 80% e lëndëve narkotike që kalojnë përmes vendit vijnë nga Kolumbia dhe pjesa tjetër nga Peruja.
Në gjysmën e parë të këtij viti, autoritetet ekuadoriane kanë sekuestruar 80 tonë drogë. Në vitin 2025 u sekuestruan rreth 215 tonë, ndërsa në vitin 2024 gati 295 tonë, kryesisht kokainë.
