Loading ...Një ditë pas dërgimit në Kuvend, bashkëkryetari i komisionit të reformës territoriale, Arbjan Mazniku, shpjegoi hartën e socialistëve me 46 bashki, nga 61 që funksionojnë aktualisht.
“Në maj mbahen zgjedhjet e ardhshme vendore, dhe ne duhet të përballemi me ato sfida që kemi përpara.”
Maxhoranca nuk priti demokratët, që kanë një hartë me 100 bashki. Mazniku e lidhi me anëtarësimin.
“Nëse ne humbasim këtë afat, të 2027, ne humbim 8 vjet.”
Projekti i PS-së shkrin administrativisht 15 bashki. Por shërbimi, tha Mazniku, nuk largohet.
“Asnjë shërbim nuk do të largohet.”
Qytetet nuk humbin, do të mbajnë identitetin e tyre, përmes skemës së re të projektit të PS-së.
“Kemi skema, bashki, njësi administrative, bashki-qytet-njësi administrative… do të ketë një kuotë proporcionale, duke i siguruar funksionimin, të gjitha funksionet.”
Rinasi kalon nga administrimi i Fushë-Krujës në Tiranë dhe ky është i vetmi territor i hartës që ndryshon.
Projekti rikthehet për diskutim në muajin shtator, pasi kryetarët dhe këshillat bashkiakë do të marrin dhe opinionin e qytetarëve të bashkive që preken.
