Loading ...
Ndoshta kjo nuk ishte parashikuar.
Një Meklaren që rikthehet si kampion, dhe Lando Norris, kampioni në fuqi, që fiton Çmimin e Madh, nuk mendohej, edhe pse në Hungari skenari ishte pikërisht I tillë.
Norris, njeriu që fitoi vendin e parë në prova, arriti një sukses që I mungonte prej kohësh, ndonëse gaboi në xhiron e parë.
U kalua nga shoku I tij I ekipit, Oskar Piastri, ndonëse nuk e humbi toruan.
Për fat të mirë, Meklareni I kishte dhënë më në fund një makinë të shkëlqyer, që përballoi çdo sfidë.
Favorit në pistën e Hungaroringut ishte Ferrari, por siç thanë shefat e “kokëkuqes” italiane, u bënë shumë gabime.
Sharl Lëklerk përfundoi vetëm në vendin e katërt, pra jashtë podiumit, ndërsa Ljuis Hamilton zbriti në pozicionin e pestë sepse u dënua me 5 sekonda për shkak se shkeli kufirin e shpejtësisë ndërsa shkonte të ndërronte gomat.
Ai që shkëlqeu këtë herë ishte Maks Verstapen, që gjithashtu pati një makinë të mirë Red Bull.
Holandezi, katër herë kampion I botës, doli I dyti, maksimumi që mund të arrinte sepse Norris nuk mund të përballohej.
Gjithsesi, një nga fituesit më të mëdhenj ishte kryesuesi I Botërorit, Kimi Antoneli.
Adoleshenti italian u nis vetëm nga vendi I 4-të, dhe gara nuk I shkoi siç donte, por sidoqoftë besueshmëria e makinës Mercedes, strategjia dhe talenti I tij, e bënë të ngjitej në podium dhe të fitonte pikë ndaj rivalëve kryesorë, Hamilton dhe Rasëll që doli I shtati.
Antoneli kryeson me 50 pikë më shumë se anglezi dhe 59 mbi anglezin, ndërsa shanset për titullin botëror janë të mëdha.
Gjithsesi, lumturia ishte e gjitha për Lando Norrisin në Hungari, që u kthye tek fitorja për herë të parë që nga 9 nëntori I kaluar, edhe pse është tepër larg nga vendi I parë, pra nuk besohet se do ta mbrojë dot kurorën.
