Loading ...
Duket sikur nuk e ka problem, por edhe vetë e di se nuk është aty ku pritet. Nuk flitet vetëm për paraqitjen e një Lamin Jamali, por të gjithë skuadrës, dhe Spanja e këtij Botërori është ku e ku më poshtë sesa niveli I Europianit të vitit 2024 kur fitoi titullin, edhe pse optimizmi nuk mungon aspak.
Këtë ndjenjë pozitive e shprehë pikërisht Lamin Jamali, ylli kryesor i “Furive të Kuqe”, edhe pse në Amerikën e Veriut deri tani ka bërë pak.
Në një intervistë për median spanjolle, “Kope”, mes shumë temave të tjera, adoleshenti i Barcelonës flet edhe për atë që pret nga ky turne I madh.
Fjalët e tij janë të thjeshta dhe të sigurta, të tilla si “në çdo konkurrim shkoj për të fituar, dhe jam i bindur se do ta fitojmë titullin botëror”.
Lamin shton se e ndjen veten në 90 deri ne 100 për qind të formës, se stërvitet normalisht, dhe se është i gatshëm për të luajtur një ndeshje të plotë.
Spanja do të jetë këtë të enjte në orën 21:00 ndaj Austrisë në Los Anxhelos, ndërsa pritet të shihet se cilat do të jenë zgjedhjet e trajnerit Luis de la Fuente.
Nis faza me eliminim direkt dhe çdo gabim paguhet, diçka që e dinë edhe vetë kampionët e Europës në fuqi./abcnews.al
