Komandanti ushtarak më i fuqishëm i Iranit, gjeneral Qasem Soleimani, është vrarë nga një sulm ajror i SHBA në Irak.
62-vjeçari drejtoi operacionet ushtarake iraniane në Lindjen e Mesme si kreu i forcës elitare “Quds Force” të Iranit.
Pentagoni konfirmoi se është vrarë “me urdhër të Presidentit”, duke iu referuar Donald Trump.
Ai u vra në aeroportin e Bagdadit, mëngjesin e sotëm. Vrasja e gjeneralit Soleimani shënon një përshkallëzim të madh në tensionet midis Washingtonit dhe Teheranit.
Udhëheqësi Suprem i Iranit, Ajatollahu Ali Khamenei tha se “hakmarrja e rëndë pret kriminelët” që qëndrojnë pas sulmit. Ai gjithashtu njoftoi tre ditë zie kombëtare.
Gjenerali Soleimani u pa gjerësisht si figura e dytë më e fuqishme në Iran pas Ajatollah Khamenei. Forca e tij e Qudsit, një njësi elitare e Gardës Revolucionare të Iranit, raportoi drejtpërdrejt te Ajatolahu dhe ai u përshëndet si një figurë heroike kombëtare.
Por ShBA i ka quajtur komandantë dhe terroristë të Forcës Quds, dhe i mban ata përgjegjës për vdekjen e qindra amerikanëve.
Kush ishte Qasem Soleimani:
Qasem Soleimani, babai i pesë fëmijëve.
Ai filloi të punonte në ndërtim që në moshën 13 vjeçare për të ndihmuar familjen e tij në Iranin jugor.
Revolucioni islamik i vitit 1979 në Iran e gjeti atë 22 vjeç. Me zellin e moshës dhe bindjet e tij, ai iu bashkua Gardës Revolucionare që u ngrit për të mbrojtur revolucionin e ajatollahëve.
Ai mori drejtimin e Gardës Revolucionare në fund të luftës Iran-Irak në vitin 1988 para se të bëhej drejtuesi i Forcave Speciale të saj, pikërisht ato “Kuds”.
I përkushtuar tërësisht për mbrojtjen e Republikës Islamike, ai është cilësuar si një “martir i gjallë” në vitin 2005 nga Udhëheqësi Suprem i Iranit, Ajatollah Ali Khamenei.
Suleimaini është akuzuar nga SHBA-të në vitin 2008 se ishte personi përgjegjës për trajnimin dhe armatosjen e militantëve shiit në Lindjen e Mesme kundër forcave amerikane në Irak.
“Ai mbështet lëvizjen palestineze Hamas si edhe ka armatosur lëvizjet shiite në gadishullin arabik. Soleimani ka lidhje edhe në Turqi dhe e gjitha kjo ka tërbuar monarkitë arabe në Gjirin Persik. Qaseeim Suleimani imponon vullnetin e Iranit në të gjithë Lindjen e Mesme”, shkruante “The Ëorld” në vitin 2017 për të.
“E njeh Sirinë si xhepin e tij dhe ka një njohuri shumë të mirë për Irakun”, tha një burim diplomatik për AFP disa vjet më parë.
Për më tepër, “ai është jashtëzakonisht i respektuar nga njerëzit e tij falë karrierës dhe karizmës së tij”, vijon AFP.
Në vitin 2011, një zyrtar i lartë amerikan i intervistuar nga “Guardian” e krahasoi atë me “Keyser Söze”, heroi i “The Usual Suspects” /abcnews.al
