Erjon Isai dërgohet në gjyq/ Bashkiaku i Ersekës, i pandehur bashkë me 15 zyrtarë

Prokuroria e Posaçme Anitkorrupsion ka dërguar për gjykim kryetarin e Bashkisë Kolonjë, Erion Isai dhe 15 zyrtarë e ish-zyratrë të tjerë lidhur me shkelje të dyshuara në 3 procedura tenderimi.

Erion Isai akuzohet për veprat penale “shpërdorim detyre” dhe “shkelje të barazisë në tendera” për ndërtimin e rrugës Korçë Ersekë, Supervizim i punimeve për ndërtimin e rrugës Korçë-Ersekë dhe Mbikëqyrja e punimeve për ndërtimin e Ujësjellësit Ersekë dhe të disa fshtarave nga burimet e Kozelit.

Në bankën e të akuzuarve do të ulen edhe ish-zëvendëskryetarja e bashkisë, Eljona Mydini, si dhe disa zyrtarë e ish-zyrtarë të Bashkisë Kolonjë, Autoritetit Rrugor Shqiptar dhe pronarja e kompanisë private që është favorizuar për fitimin e tenderave.

Gjatë hetimeve ka rezultuar se Bashkia Kolonjë ka kryer procedurat për tenderimin e rrugës Korçë–Ersekë me vlerë rreth 3 miliard lekë pa disponuar një projekt të miratuar për këtë aks. Prokuroria thotë se punonjësit e bashkisë në bashkëpunim me Entela Çanon, administratore e kompanisë “A&E Engineering”, kanë falsifikuar procesverbalin e marrjes në dorëzim të projektit, ndërkohë që në realitet projekti nuk ekzistonte.

Hetimet tregojnë se fondi është bazuar në të dhëna të propozuara nga pronarja e kompanisë private Entela Çano dhe është fryrë me rreth 600 mijë euro që përbën edhe dëm ekonomik të shkaktuar shtetit.

Në episodin e dytë të hetimit, SPAK ka provuar se gjatë procedurës së prokurimit për supervizimin e punimeve të rrugës Korçë–Ersekë, Erdit Salillari, Klarita Konomi, Niko Mihali, nën cilësinë e anëtarëve të komisionit të vlerësimit të ofertave kanë krijuar avantazhe të padrejta në favor të së njëjtës kompani, “A&E Engineering”.

Ne episodin e trete SPAK ka provuar se dhe për procedurën e tenderit për mbikëqyrjen e punimeve të ujësjellësit të Ersekës dhe disa fshatrave përreth kriteret për fitimin e tenderit janë hartuar sipas udhëzimeve të administratores Entela Çano edhe kjo procedurë është fituar nga kompania e saj.

TE PANDEHUR

Erion Isai

Eljona Mydini

Erjon Cenko

Ermal Zylfo

Engjëll Dine

Armand Tafil

Muharrem Tartari

Shpëtim Liço

Ergys Verdho

Erald Elezi

Genti Raça