Loading ...
Presidenti amerikan Donald Trump deklaroi se një valë e re sulmesh ndaj Iran u shmang vetëm në minutat e fundit, falë ndërhyrjes diplomatike të Arabia Saudite, Katar dhe Emiratet e Bashkuara Arabe.
Duke folur të martën gjatë një vizite në kantierin ku po ndërtohet salla e re e vallëzimit në Shtëpia e Bardhë, Trump tha se situata ishte shumë pranë përshkallëzimit ushtarak.
Eksperti i sigurisë Fatjon Softa tha se Pakistani mbetet një aktor shumë i rëndësishëm për SHBA-në dhe një bazë strategjike edhe për Arabinë Saudite, duke pasur njëkohësisht potencial bërthamor.
Sipas tij, çdo lëvizje ushtarake apo dërgim trupash nga Pakistani mund të sinjalizojë përshkallëzim të situatës dhe komplikim të mëtejshëm të tensioneve në rajon. Softa theksoi se deklaratat dhe paralajmërimet e Donald Trump shihen si presion ndaj Iranit për një marrëveshje të mundshme për armët bërthamore dhe për çështje që lidhen me kontrollin në Kanalin e Hormuzit.
“Pakistani është shumë i rëndësishëm për SHBA dhe bazë mbrojtëse për Arabinë Saudite. Pakistani ka gjithashtu potencial bërthamor. Pakistani, me këtë lëvizje për dërgimin e trupave, tregon që situata mund të komplikohet dhe mund të kemi një përshkallëzim.
Paralajmërimet që Trump bën janë presion ndaj Iranit për një marrëveshje të mundshme për armët bërthamore ose edhe për kontrollin në Kanalin e Hormuzit.”
