Loading ...
E dimë se ky sport e ka fituar emblemën e tij.
Është Tadej Pogaçar fytyra e çiklizmit të kësaj dekade, dhe ylli nga Sllovenia u përsërit.
Pasi fitoi në Milano-SanRemo shkëlqeu në garën e dytë klasike njëditore këtë vit, në Turin e Flandrës.
Në moshën 27-vjeçare është në kulmin e formës dhe distancën prej 278 kilometrash e përshkoi për 6 orë, 20 minuta e 7 sekonda.
Flandra është ndër itineraret më të vështira, me pjesë të rrugës me kalldrëm, por Pogaçar është I papërmbajtshëm edhe në 2026.
Ai fitoi konkurrimin me rivalin e tij të madh, holandezin Matjë Van der Pël që mbeti 34 sekonda prapa, ndërsa në vendin e tretë doli çiklisti vendas, Belgu Remko Evenepël.
Kampioni nga Sllovenia I dha tonin garës gjatë gjithë kohës dhe realizoi sulmin përfundimtar 18 kilometra përpara finishit.
Për Pogaçarin tani janë 3 fitore në Turin e Flandrës, aq sa është edhe rekordi, që e mbajnë 8 çiklistë, ndërsa ai ka nderin e madh që të ketë një sukses më shumë sesa legjenda Edi Merks.
Në total, slloveni ka 12 fitore në garat klasike të quajtura “Monumentet”, I dyti për të gjitha kohët, ndërsa në krye është pikërisht “Kanibali” Merks me 19 suksese.
Tashmë, pritet që Pogaçar të vazhdojë me klasiket për të shkuar në garat e mëdha të verës, mbi të gjitha Turi I Francës, e ndoshta edhe njëra prej Xhiros së Italise apo Vueltës së Spanjës.
