Loading ...Avokati Ardian Bajraktari tha se moszgjedhja e presidentit brenda afatit kushtetues e çon vendin automatikisht në zgjedhje. Sipas tij, presidenti në detyrë është i detyruar të shpallë zgjedhjet brenda 45 diteve, ndërsa zhvillimet e fundit mund të jenë pjesë e një manovre politike dhe e bëjnë procesin zgjedhor të pashmangshëm.
“Moszgjedhja e presidentit brenda afatit e çon vendin në zgjedhje, sepse nënkupton dështimin për realizimin e një prej detyrave themelore.
Sipas interpretimit kushtetues, kushdo që është në postin e presidentit nuk ka mundësi tjetër përveçse të shpallë zgjedhjet, të cilat duhet të mbahen brenda 45 diteve nga afati i dhënë nga Kushtetuta.
Në jo pak raste kemi pasur veprime dhe vendime të papritura. Albulena Haxhiu në krye të shtetit mund të jetë një manovër e Kurtit. Mendoj që zgjedhjet janë të pashmangshme.” / abcnews.al /
