Loading ...
Ambasada e Shteteve të Bashkuara në Irak ka paralajmëruar për një kërcënim të mundshëm nga Irani dhe milicitë e lidhura me të ndaj universiteteve amerikane në Bagdad, si dhe në qytetet Sulejmanije dhe Dohuk.
Në një deklaratë zyrtare, ambasada theksoi se Irani dhe grupet e armatosura aleate “mund të synojnë universitetet amerikane” në këto zona, duke shtuar se tashmë janë regjistruar “sulme të gjera kundër qytetarëve amerikanë dhe objektivave të lidhura me Shtetet e Bashkuara në të gjithë Irakun”.
Ambasada përsëriti thirrjen për qytetarët amerikanë që të largohen nga Iraku, për shkak të rrezikut të përshkallëzimit të situatës së sigurisë.
Ndërkohë, tensionet në rajon janë rritur ndjeshëm pas përplasjes ushtarake midis Shtetet e Bashkuara, Izraeli dhe Irani, duke detyruar shumë universitete në Lindjen e Mesme të kalojnë në mësimdhënie online për arsye sigurie.
