Loading ...
Koloseu është rihapur një pjesë e harruar prej kohësh e infrastrukturës së tij të lashtë, duke i dhënë jetë të re një hapësire ku dikur ecnin mijëra romakë.
Pas një programi katërvjeçar gërmimesh dhe restaurimesh arkeologjike, korridoret jugore që dikur kanalizonin turmat në amfiteatër janë bërë përsëri të aksesueshme, duke u transformuar në një shesh publik për banorët dhe turistët.
I përuruar në vitin 80 pas Krishtit, Koloseu ishte amfiteatri më i madh në Perandorinë Romake dhe përdorej për të pritur luftime gladiatorësh, ekzekutime dhe gjueti kafshësh. Pothuajse 15 milionë njerëz e vizituan atë në vitin 2024, sipas të dhënave zyrtare nga Ministria e Kulturës.
Ndërhyrja e fundit, e cila u financua përmes fondeve të kompensimit të lidhura me ndërtimin e linjës C të Metrosë, synonte të rivendoste përmasat origjinale të Koloseut duke rindërtuar pllakat e travertinit të lashtë dhe duke e dalluar atë nga sheshi modern i mbuluar me kalldrëm.
Hyrja në zonën e sapoinauguruar nuk kërkon biletë.
Gjatë shekujve, pjesa jugore e Koloseut u shemb pjesërisht për shkak të dëmtimeve natyrore, tërmeteve dhe ripërdorimit të materialeve të ndërtimit. Vetëm disa blloqe të strukturës origjinale mbijetuan dhe tani janë rrethuar me gardh pasi u zbuluan gjatë gërmimeve.
Quillici tha se priste që zona arkeologjike e rinovuar të bëhej një vend i gjallë eventesh.
