Lazio e mbaroi vitin 2019 dhe e nisi 2020-ën në mënyrë të shkëlqyer, duke mundur Juventusin në ndeshjen e Superkupës dhe duke mposhtur sot ekipin e Brescias. Një nga lojtarët kryesorë të lacialëve në këtë sezon, Luis Alberto, përshkroi ndjesinë e fitores: “Titulli i tretë këtu është diçka e veçantë, nuk mund të merrnim një dhuratë më të mirë për Krishtlindje”, tha fillimisht spanjolli për GOAL.
Inzaghi është arsyeja kryesore për të gjitha arritjet tona. I besojmë atij, këtë sezon mund të ngremë dhe tituj të tjerë dhe të jemi pretendentë, gjë që i mungon Lazios për një kohë shumë të gjatë. Ne duam ta ruajmë këtë nivel deri sa fund.”
Luis Alberto po mban këmbët në tokë: “Titulli i Serie A? Jo, nuk është objektiv real. Ne duhet ta harrojmë atë, le të përqendrohemi nga ndeshja në ndeshje. Unë jam i sigurt që nëse e mbajmë këtë mentalitet fituesi, mund të arrijmë objektivat tona”, përfundoi fantazisti spanjoll./abcnews.al
