Loading ...
Presidenti francez Emmanuel Macron tha sot se së bashku me Indinë, nuk duan të “nënshtrohen ndaj asnjë forme të hegjemonisë”, duke theksuar besimin e tyre në sundimin e ligjit dhe parashikueshmërinë.
“Ne besojmë në një rrugë të tretë, në një Indo-Paqësor të lirë dhe të hapur, në bashkëpunimin në teknologjinë dhe tregtinë e mbrojtjes dhe në vendosmërinë për të mos iu nënshtruar asnjë forme të hegjemonisë”, tha Macron në një konferencë për mediat me kryeministrin indian Narendra Modi, si pjesë e vizitës së tij tre-ditore në Indi.
Ai tha se ata “besojnë” në sundimin e ligjit, parashikueshmërinë dhe “multilateralizmin efektiv”.
Macron riafirmoi se marrëdhënia franko-indiane është “në një fazë përshpejtimi të jashtëzakonshëm” në përgjigje të transformimit të rendit ndërkombëtar.
Presidenti francez përsëriti rëndësinë që të dy vendet i kushtojnë konceptit të autonomisë strategjike, duke theksuar se ata ndajnë të njëjtin vizion, të mos “tërhiqen në konfliktet e një pakice”, por në vend të kësaj të ndjekin “një qasje partneriteti të hapur dhe të qartë”.
“Ne besojmë në tregtinë ndërkombëtare dhe hedhim poshtë metodat e shtrëngimit”, nënvizoi Macron.
