Loading ...
SPAK ka çuar për gjykim tre shtetas të akuzuar për veprimtari në kuadër të një grupi të strukturuar kriminal në fushën e narkotikëve, ndërsa çështja u shqyrtua me procedurën e gjykimit të shkurtuar nga Gjykata e Posaçme e Shkallës së Parë për Korrupsionin dhe Krimin e Organizuar.
Me vendimin nr. 15, datë 13.02.2026, gjykata shpalli fajtor:
Bujar Brahaj, për “Prodhimi dhe shitje e narkotikëve” dhe “Grup i strukturuar kriminal”. Pas bashkimit të dënimeve dhe aplikimit të gjykimit të shkurtuar, ai u dënua përfundimisht me 6 vite e 8 muaj burgim.
Ertjan Pjetërgjokaj, për “Grup i strukturuar kriminal”. Pas shtimit të dënimit sipas nenit 334/1 të Kodit Penal dhe uljes për shkak të gjykimit të shkurtuar, ai u dënua përfundimisht me 5 vite e 4 muaj burgim.
Elton Ukaj, për “Grup i strukturuar kriminal”. Pas bashkimit të dënimeve dhe aplikimit të gjykimit të shkurtuar, ai u dënua përfundimisht me 4 vite e 8 muaj burgim.
Të tre të pandehurit do t’i vuajnë dënimet në një burg të sigurisë së lartë, ndërsa në llogaritje do t’u përfshihet koha e qëndrimit në masën e sigurimit “Arrest në burg”. / abcnews.al /
