Joao Felix cilësohet si pasardhësi i Cristiano Ronaldos në Portugali. Talenti 20-vjeçar la Benficën në verë dhe u transferua tek Atletico Madrid për shumën e 126 milionë eurove dhe po përshtatet me ekipin dhe kampionatin e ri.
Idhulli i tij është pa dyshim Cristiano Ronaldo dhe të dy luajnë bashkë te kombëtarja luzitane. Lojtari ofensiv e ka idhull yllin e Juventusit dhe flet në këtë mënyrë për të në një deklaratë për portugezen A Bola.
“Cristiano Ronaldo është idhulli i fëmijërisë time, një shembull në të gjitha aspektet për mua. Kur unë isha ende një fëmijë, ai ishte lojtari më i mirë në botë. CR7 është unik, i papërsëritshëm dhe po shkruan historinë e futbollit. Elozhet e tij ndaj meje? U gëzova shumë, më pëlqyen fjalët e tij, por unë ende shoh diferencë të madhe midis nesh“, thekson Joao Felix. /abcnews.al
