Loading ...
Fati i presidentes Osmani po diskutohet ende brenda Vetëvendosjes…
Që pas daljes se Albin Kurtit nga selia e partisë pas rezultatit të 28 dhjetorit dhe deklaratës se për çështjen e zgjedhjes së kreut të ri të shtetit ka ende kohë por për të do të diskutohet me Osmanin, zërat për këtë zhvillim kanë qenë të shuar.
Së fundmi, ish shefja e grupit parlamentar të VV Mimoza Kusari Lila në daljen e saj televizive në mediat vendase deklaroj se në parti ende nuk është diskutuar kandidatura e Osmanit.
Ajo ka thënë se janë në pritje të përfundimit të procesit të formimit të Qeverisë dhe Kuvendit dhe më pas për të kaluar të tema e presidentit të vendit, edhe pse për këtë vendim që mund ta çoj vendin drejt një krize të re nuk ka dhe shumë kohë.
Sipas Mimoza Kusari Lila për zgjedhjen e kreut të ri të shtetit, siç e parashikon kushtetuta, duhen 80 vota, por për këtë duhet të ketë një dakordim që të sigurohen 2/3 dhe të shmangen zgjedhjet e reja qoftë për të zgjedhur si president Vjosa Osmanin apo këdo tjetër që do të propozohet…
Kusari – Lila tha se kryetari i LVV-së, Albin Kurti duhet të ketë takime dhe diskutime me partitë politike, por partitë opozitare si PDK dhe LDK kanë deklaruar se nuk votojnë asnjë kandidat të LVV-së për president të vendit pa një marrëveshje politike.
