Zëri i Shqiptarëve/ Sondazhi: 46.1% e socialistëve, përplasjet e brendshme në PS kanë ndihmuar kundërshtarin

Fatos Nano e stimulonte debatin e brendshëm të PS, por cfarë mendojnë shqiptarët për këtë, dhe kryesisht elektorati i majtë.

Sondazhi në ‘Zëri i Shqiptarëve, iu drejtua elektoratit të majtë me pyetjen: Fatos Nano e stimulonte debatin e brendshëm të PS, si e konsideroni këtë?

46.1% e tyre, mendojnë se përplasjet e brendshme kanë ndihmuar gjithmonë kundërshtarin. Vetëm 28.4 % e socialistëve të anketuar e konsiderojnë atë një gjë të mirë, ndërsa 25.5% mendojnë se përplasjet e brendshme kanë dëmtuar të majtën.

Linku i pyetësorit u shpërnda me SMS të rastësishme në mënyrë proporcionale në qytetet dhe fshatrat e Shqipërisë. Pyetësori u plotësua elektronikisht në mënyrë krejt anonime nga të anketuarit.

Kampioni u ripeshua statistikisht për t’i përfaqësuar sa më mirë banorët e rritur të Shqipërisë nga pikëpamja gjeografike, demografike, arsimore, dhe politike. Maksimumi i marzhit të gabimit statistikor: +/- 2.4%  / abcnews.al/