Trump: Shpresoj që Putin të bëhet i arsyeshëm pas sanksioneve të SHBA-së ndaj Rusisë

Donald Trump y pyet nga gazetarët në Shtëpinë e Bardhë, për ndikimin e mundshëm të sanksioneve të shpallura së fundmi nga SHBA-të ndaj Rusisë, të cilat përfshijnë dy prodhuesit e saj më të mëdhenj të naftës, Rosneft dhe Lukoil.

“Mendoj se ato me siguri do të kenë një ndikim”, thotë Trump, shkruan Sky News.

“Janë sanksione masive dhe sanksione ndaj naftës, dy kompanive më të mëdha të naftës, ndër më të mëdhatë në botë. Shpresojmë që kjo do ta shtyjë Putinin. Shpresojmë që ai të bëhet i arsyeshëm, dhe shpresojmë që edhe Volodymyr Zelenskyy të jetë i arsyeshëm. Për tango duhen dy veta, siç thonë.”, shtoi presidenti amerikan.

SHBA-të kanë vendosur sanksione të reja ndaj dy kompanive më të mëdha të naftës ruse, Rosneft dhe Lukoil, duke përmendur “mungesën e angazhimit serioz” të Moskës ndaj një procesi paqeje për t’i dhënë fund luftës në Ukrainë.

Departamenti i Thesarit tha në një deklaratë se masat synojnë sektorin e energjisë të Rusisë për të “degraduar aftësinë e Kremlinit për të mbledhur të ardhura për makinën e tij të luftës” dhe për të “mbështetur ekonominë e tij të dobësuar”./abcnews.al