Loading ...
Në një intervistë në emisionin “Real Story” në ABC News, gazetari sportiv Bled Kuka, foli për ndeshjen me Serbinë, që do të mbahet të shtunën në Leskovac, duke diskutuar për formacionin e mundshëm të kësaj ndeshje.
Sipas tij trajneri i Kombëtares Shqiptare, Sylvinho ka treguar se ndryshon shumë pak taktikën e tij duke e parë si diçka jo shumë pozitive.
“Sylvinho është një njeri që ndryshon shumë pak, për fat të keq. E ka këtë ngurtësi. Një lojtar si Mehemeti duhet ta thërriste. Flet për Nedin Bajramin, por kohët e fundit nuk është edhe shumë i mirë. Ndërsa për Dakun është i fortë…Ndeshjet ndonjëherë fitohen me momentin”, tha ai, duke shtuar: “Sylvihno nuk është trajner karriere. Por ka një gjë, fati është gradualisht, përvoja ndikon që është më i qetë”. Për Asllanin dhe Berishën vlerësimet kanë qenë pozitive”.
Nga ana e tij eksperti i futbollit, Ermal Tahiri vendosi rëndësinë tek mbrojtja. Ai nënvizoi se Asllani dhe Shehu janë kryesorët e mesfushës.
“Do të ishte shumë mirë që të mbante sa më lart mbrojtjen. Duhet edhe pika e referimit, nuk ka për të ndryshuar as Asllanin dhe as Shehun”, tha Tahiri.
/abcnews.al/
