Loading ...Bashkia Shkodër dhe Shoqëria Rajonale e Ujësjellës kanalizime kanë nisur një projekt që do të zgjidh problemin e furnizimit me ujë të pijshëm për banorët e Golemit, Dobraçit dhe disa lagjeve në rajonin numër 2.
Linja e re, me fondet e KFË gjermane prej 9.2 milion euro, me një shtrirje prej 70 km do të ofrojë ujë të bollshëm 24 orë.
4 linjat ekzistuese që ishin amortizuar janë duke u zëvendësuar me të 4 të reja.
Ky investim i rëndësishëm sjell një zgjidhje afatgjatë për disa zona që kanë probleme me ujin. Janë rreth 3500 kontrata të reja të cilat do të formalizohen pas kryerjes së punimeve.
Banorët e kanë mirëpritur projektin pasi kishin probleme me ujin e pijshëm.
Punimet për linjën e re që nis nga stacioni i pompave të Dobraçit pritet te përfundojnë në muajin korrik të vitit të ardhshëm. Por shoqëria e ujësjellës kanalizime ka kërkuar që të punohet me ritme më të shpejta dhe të mbarojë përpara afateve me qëllim që verën e ardhshme banorët e këtyre zonave të furnizohen normalisht me ujë të pijshëm./abcnews.al
