Loading ...
Përqafimi për të ishte I veçantë.
Presidenti I Rubinit, Marat Safiulin, takoi me ngrohtësi futbollistët e ekipit të tij pas barazimit heroik ndaj Zenitit, por u ndal më shumë me Mirlind Dakun.
Pati arsye të forta për këtë.
Sulmuesi shqiptar, shënuesi më I mirë I ekipit nga Kazani, dhe një nga 3 lojtarët më të paguar të Premier Ligës së Rusisë, e tregoi sërish veten dhe ishte ai që shpëtoi pikën.
Ylli kuqezi realizoi në minutën e fundit për barazimin 2-2, dhe kjo u shijua si një lloj hakmarrjeje.
Daku realizoi pikërisht ndaj ekipit të atij klubi që e refuzoi këtë verë, kur u duk se gjithçka ishte mbyllur dhe se ai e kishte të sigurt firmosjen e kontratës me emrin më të madh të futbollit të Rusisë.
Po ashtu, ishte si goditje ndaj “zotave”, për atë që Zenit përfaqëson në futbollin e vendit të madh.
Ky ishte goli I tij I dytë ndaj të kaltërve, pas atij që realizoi dy vjet më parë në kryeqytetin e Pjetrit të Madh.
Miqtë nga Shën Peterburgu arritën epërsinë 2-0, falë golave nga Mostovoi me penallti dhe Kasierra, që të dy në pjesën e parë.
Pas pushimit barazoi Veldin Hoxha, lojtari I ardhshëm I Kosovës, ndërsa në fund goditi Daku.
Sulmuesi I kombëtares ka një gol e një asist në dy javë të Premier Ligës, pra duke e vazhduar aty ku u ndal sezonin e kaluar, dhe Rubin është vetëm dy pikë larg vendit të parë.
Ku I dihet, ndoshta këtë vit luftohet për titull e Këpucën e Artë.
