Kakavijë, 54-vjeçari kapet me mbi 48 mijë euro të padeklaruara, procedohet penalisht

Një 54-vjeçar është kapur nga policia në Pikën Kufitare të Kakavijës.

Me qëllim parandalimin dhe goditjen e krimeve në kufi, në dalje të Shqipërisë, u krye kontroll në çantën e këtij shtetasi, ku u gjetën 48 400 euro, të cilat ky shtetas nuk i kishte deklaruar konform ligjit.

Ndaj tij, nisi procedim penal.

“Në vijim të veprimeve procedurale për rastin, specialistët për Hetimin e Krimeve të DVKM Gjirokastër referuan materialet në Prokurori, ku nisi procedimi në gjendje të lirë, për veprën penale “Mosdeklarimi në kufi i të hollave dhe i sendeve me vlerë”, për shtetasin Sh. B., 54 vjeç, banues në fshatin Lazarat, Gjirokastër. Gjithashtu, u sekuestrua në cilësinë e provës materiale, shuma e eurove.”, thuhet në njoftimin e policisë./abcnews.al