Loading ...
Paraqitja e Donald Trump në ceremoninë e ndarjes së çmimeve pas fitores së Chelsea FC në Kupën e Botës për Klube ka shkaktuar reagime të shumta.
Chelsea mposhti Paris Saint-Germain me rezultatin 3-0 në finalen e turneut.
Lojtari spanjoll Marc Cucurella tregoi se ishte ndjerë në siklet nga qëndrimi i Trump në skenë edhe pasi ia dorëzoi trofeun kapitenit Reece James.
“Na kishin thënë të prisnim derisa ai të largohej, por ai nuk donte të largohej. Isha shumë i frikësuar”, tha Cucurella në një bisedë me gazetarin Gerard Romero.
Sipas tij, Trump i inkurajoi lojtarët të ngrinin trofeun ndërkohë që qëndronte në mes të skenës, duke e bërë momentin të pazakontë dhe të tensionuar./kosovapress
