Loading ...SPAK dhe autoritetet italiane, përmes një operacioni të përbashkët ne Verona të Italisë kanë sekuestruar 4 milionë euro pasuri të organizatës së Suel Çelës dhe vëllait të tij Marjo Celes.
Organizata kriminale qe vepron prej vitesh në Elbasan, ka shtrire aktivitetin e saj dhe vendin fqinj. Sipas Prokurorisë se Posaçme, grupi i Suel Çelës është përgjegjës për transportin e sasive të mëdha të kokainës nga Amerika e Jugut në tregun europian.
Pasuritë e sekuestruara ne Itali dyshohet se ishin produkt i këtij aktiviteti kriminale nder vite.
Nen sekuestro janë venë një ndërtesë me 30 zyra dhe dyqane ne Verona, një llogari bankare dhe aksione të një shoqërie tregtare ne fushën e ndërtimit, të cilat ne total arrijnë vlerën 4 milionë euro.
Pasuritë e sekuestruara janë:
-Një ndërtesë, pasuri e paluajtshme në Nogarole Rocca, Verona
-Një ndërtesë, në vlerë rreth 3 milionë euro, e përbërë nga 30 njësi zyra dhe dyqane, Verona
-Një llogari bankare ku depozitoheshin qiratë e zyrave dhe dyqaneve rreth 400 mijë euro në vit
-Një shoqëri tregtare që operonte në fushën e ndërtimit, me kuota 100% në Itali.
Hetimet e SPAK konstatuan se këto pasuri janë krijuar dhe financuar me përfitimet nga trafiku ndërkombëtar i lëndëve narkotike nga Amerika e Jugut në tregjet europiane.
Nga hetimet e SPAK rezulton se një çifti shqiptaresh ne Itali, te përfshirë në të kaluarën në trafikun e lëndëve narkotike, I ishte besuar nga grupi i Suel Çeles administrimi I gjithë pasurisë se tyre ne Verona te ardhur nga trafiku I drogës.
Ata konsideroheshin si njerëzit e besuar të dy vëllezërve dhe rezultuan të figuronin në listën e pagesave të organizatës kriminale. Për Prokurorinë e Veronës ky është rasti i parë i një organizate kriminale shqiptare, e cila investon në pasuri të paluajtshme në territorin e një shteti të Bashkimit Europian.
Suel Çela konsiderohet si kreu i një organizate kriminale në Elbasan. Ai është në kërkim nga SPAK, i dyshuar për disa vepra penale. Ndërsa vëllai i tij Mario Çela ndodhet i arrestuar në Belgjikë.
Ai u arrestua në Verona, në qershor të vitit 2024, pas ekzekutimit të një urdhër-arresti, të lëshuar nga autoritetet belge, mbi dyshimet për përfshirje në një vrasje mafioze në Antverp, si pasojë e konflikteve mes grupeve rivale të trafikut të drogës.
