Shkolla 9 vjeçare e Thumanës është rrafshuar. Para tërmetit ajo po rikonstruktohej dhe punimet ishin drejt fundit. Kjo tregon se sa është abuzuar me punimet. Është e qartë që ato nuk kanë qënë cilësore.
Këto janë pamjet e rrënimit të shkollës 9 vjecare të Thumanës. Tërmeti e dëmtoi dhe autoritetet vendosën ta shembnin totalisht. Kjo shkollë po rikonstruktohej dhe punimet ishin drejt fundit. Me sa duket ato nuk kanë qënë fare cilësore për sa kohë u vendos shembja totale e saj. Pra paratë për rikonstruktim shkuan dëm.
Tani këtu nuk ka më asnjë shenjë se në këtë vend më parë ka ekzistuar një vatër arsimi pasi dhe inertet janë mbledhur të gjitha. Shkolla ishte ndërtuar 50 vjet më parë dhe në fund të muajit nëntor pritej që nxënësit të nisnin mësimin. “Abc news” u interesua pranë pushtetit vendor, por askush nuk prononcohet për të sqaruar vlerën e investimit dhe kompaninë që kreu punime aspak cilësore edhe pse ka marrë paratë./abcnews.al
