Loading ...
Dy të rinj janë arrestuar nga policia e Tiranës, pasi u kapën duke shpërndarë lëndë narkotike.
Në pranga ka rënë një 24-vjeçar banues në Tiranë, pasi nga kontrollet në automjet dhe në banesën e tij shërbimet e Policisë sekuestruan sasi lënde narkotike Cannabis Sativa e ndarë në doza të gatshme për shitje.
Nga hetimet dyshohet se ky shtetas ndante sasi lënde narkotike Cannabis Sativa, në doza, në banesë, dhe më pas i shpërndante me automjet.
Gjithashtu në pranga ka rënë edhe një 25-vjeçar banues në Durrës, pasi gjatë kontrollit në mjetin me të cilin ky shtetas qarkullonte, iu gjet dhe iu sekuestrua një sasi lëndë narkotike kokainë, e ndarë në doza.
Materialet iu dërguan Prokurorisë së Tiranës, në ngarkim të këtyre shtetasve, për veprën penale “Prodhimi dhe shitja e narkotikëve”.
