Loading ...
Prokuroria e Durrësit përfundon hetimet dhe merr të pandehur për ‘Mashtrim’ ndaj një personi, i cili shiti apartamente e njësi tregtare pa ua dorëzuar blerësve duke u shkaktuar 2 milionë euro dëm.
Në vitin 2022, në ngarkim të këtij shtetasi u caktua masa e sigurisë ‘Arrest në burg’, masë e cila u ekzekutua më 14.01.2025 nga autoritetet holandeze
Nga hetimet e zhvilluara nga Prokuroria pranë Gjykatës së Shkallës së Parë të Juridiksionit të përgjithshëm Durrës, rezultoi se administrator i shoqërisë “A C” sh.p.k dhe personi juridik “A C” sh.p.k., pas pajisjes me leje ndërtimi (të pazbardhur për shkak të mospagimit të detyrimeve ndaj Bashkisë Durrës) për ndërtimin e një objekti multifunksional, kanë lidhur kontrata sipërmarrje me persona të ndryshëm kundrejt pagesave përkatëse.
Në përfundim të hetimeve rezultoi se i pandehuri nëpërmjet mashtrimit pasi ka mbajtur kontrata për shitje apartamente/njësi tregtare/garazhe, me të dëmtuarit për objekte të cilat nuk janë dorëzuar as aktualisht edhe pse janë likujduar sipas kontratave, ju ka sjellë atyre një dëm ekonomik në vlerën 2.099.522 euro.
