Dejvi Bregu pret të transferohet jashtë vendit në janar dhe Skënderbeu normalisht do kërkojë të përfitojë financiarisht nga shitja e tij. Korçarët paguan dy vit më parë te Luftëtari dhe e morën në ekip vlonjatin pas gjashtë muajsh.
Drejtuesit e Skënderbeut kanë punuar shumë për ta shitur anësorin e sulmit, por nuk janë përputhur të gjitha kushtet për të bërë të mundur transferimin. Bregu ishte i pafat vjet, kur u dëmtua para nisjes së pjesës së dytë të sezonit dhe qëndroi për një kohë të gjatë jashtë.
Nisja e kampionatit për të ishte e mirë, por nuk mundi të mbante dot ritmin dhe normalisht kjo ka ndikuar edhe në interesimin e klubeve të huaja. Së fundmi “Panorama Sport” shkruan se për të interesohet Zilina në Sllovaki. Mbetet të shihet se si do të zhvillohen ngjarjet në vazhdim. /abcnews.al
