Në fillimin e ceromonisë së ‘Ballon d’Or’, Virgil Van Dijk deklaroi me shaka se Cristiano Ronaldo nuk është një rival për fitimin e çmimit prestigjoz. Jo të gjithë e kanë pritur mirë shakanë e holandezit, sidomos motra e portugezit, Katia, e cila ka reagur ndaj Van Dijk.
Motra e Ronaldos ka shkruar në Instagramin e saj një listë të gjatë, ku rreshton sukseset e vëllait të saj. “E shikon i dashur Virgil, Ronaldo është shpallur tre herë kampion në kampionatin ku ti po luan, ndërkohë që ti ende nuk e ke prekur me duart e tua atë trofe. Ai ka qenë lojtari më i mirë në kampionat edhe pse shumë më i vogël se ty, meqë ra fjala.”
Ajo vazhdon me ironinë e saj ku e thekson se Virgil duhej ti mendonte mirë fjalët e tij. “Më pas ai shkoi në Madrid, ku të mundi dhe ty në finalen e Championsit. Ndërsa si këto topat, ai ka 5 Virgil. Dhe desh harrova, ai me shokët e tij e thërmuan ‘portokallen’ tuaj( i referohet fitores së Portugalisë kundër Holandës në ‘Nations League’. Dhe për ta mbyllur Virgil, edhe në vitin e tij më pak të suksesshëm, ai ka fituar më shumë trofe se ty,” mbyll shkrimin motra e Cristianos. /abcnews.al
https://www.instagram.com/p/B5lnMV2HdRx/?utm_source=ig_web_copy_link
