Loading ...Dy fierakë janë vënë në prangat e policës me dyshimin se siguronin lëndë narkotike në Fier dhe e transportonin në Vlorë për t’ua shitur personave të tjerë që e shpërndanin në doza më të vogla. Bëhet fjalë për Viktor Jaupaj 53 vjeç dhe Kujtim Metaj 37 vjeç.
Policia I ka kapur në flagrancë dhe iu ka sekuestruar rreth 3.4 kilogramë kokainë, 133 gramë heroinë, me vlerë rreth 810 000 euro.
Mbrëmjen e të mërkurës policia ka ndaluar automjetin që drejtohej nga Viktor Jaupaj dhe pasagjer ishte Kujtim Metaj në fshatin Novoselë. Gjatë kontrollit kanë gjetur dhe sekuestruar 400 gramë lëndë të dyshuar narkotike kokainë, e cila sipas policise dyshohet se po transportohej në qytetin e Vlorës, për t’u shitur.
Viktor Jaupaj 53 vjeç, dhe Kujtim Metaj 37 vjeç, të dy banues në Fier sipas policisë u arrestuan për veprën penale prodhim dhe shitje të narkotikëve.
Pas kontrolleve të kryera në banesen e 53 vjeçarit në Fier u gjetën dhe u sekuestruan 2 kg e 979 gramë lëndë të dyshuar narkotike kokainë dhe 133 gramë lëndë të dyshuar narkotike heroinë.
Lënda narkotike, së bashku me 3 peshore elektronike, 3 celularë dhe automjetin që përdornin për transport, u sekuestruan në cilësinë e provës materiale.
Operacioni policor I koduar “VORTEX” u finalizua pas katër javë hetime.
Dy personat e arrestuar të cilët sipas burimeve nga policia ishin furnitorë të drogave të forta në sasi të konsiderueshme mbaheshin nen survejim nga uniformat blu.
Nje prej te arrestuarve , Kujtim Metaj nuk eshte emer i panjohur per policine. Ai rezulton me precedent penal per heqje e paligjshme e lirise, ngjarje e ndodhur ne vitin 2013. Nderkohe eshte arrestuar edhe për dhnë ne familje dhe kanosje ne vitet 2020 dhe 2021.
Policia thotë se po punon për të zbuluar dhe kapur persona të tjerë të përfshirë në këtë veprimtari kriminale./abcnews.al
