Në prag të zgjedhjeve të pranverës, rrjetet sociale janë një fuqi e madhe në përhapjen e informacionit politik. Sociologu Ergys Mërtiri, u shpreh për ‘Edicionin Qendror’ se rrjetet sociale kanë një ndikim të jashtëzakonshëm sidomos në elektoratin gri, të cilin e cilësoi si përcaktues të zgjedhjeve.
“Sot roli i televizionit po ulet sepse ka forma të tjera dhe mjete të tjera alternative. Televizioni është mjaft i rëndësishëm se është kudo por rrjetet sociale krijojne një hapësirë shtesë për njerëzit që nuk kanë fuqi mbi televizionin. Ne kemi pasur raste që përmes politikave trrols grupe të ndikojnë duke bërë share, report dhe duke ndikuar individë të caktuar të kenë shikueshmëri. Profilet e raportuara nuk i përhap shumë dhe kur t’i kontrollon rrjetet sociale kontrolli bëhet edhe më i madh se kur këto rrjete nuk ekzistojnë.”
Sipas tij, TikTok është një burim i madh i shpërndarjes së informacioneve sepse nuk është nën kontrollin e filtrave. Madje, sipas tij, mbyllja e TikTok në Shqipëri mund të ketë ardhur nga pafuqia e qeverisë për të kontrolluar informacionet kundër tij.
“Rrjete kane krijuar një mundësi komunikimi dhe grupe politike të kenë mundësi të shfaqen dhe të komunikojnë me një hapësirë të caktuar. Sidomos Tiktok që nuk është në kontroll të filtrave të tillë dhe prodhon politikë jashtë kontrollit të grupeve të mëdha politike.
Disa teoricien thonë që ajo që ndodh në rrjet është që njerëzit komunikojnë me të ngjashmit e tyre dhe kjo krijon grupe ishujsh brenda lundrimit kibernetik ku njerëzit mbyllen në rreth me njerëz që kanë bindjet e tyre dhe nuk marrin informacion cfarë ndodh në krahun tjetër. Njerëzit duke pasur prirjet e tyre thjesht i thellojnë dhe nuk i ndryshojnë.
Elektorati gri vendos nga do anojnë zgjedhjet. Këto ka mundësi që rrjetet sociale të bëjnë zhvendosje të peshores, në mënyrë abstrakte. Rrjetet sociale kanë mundësi të krijojnë hapësirë për partitë e reja. Rama prandaj do të mbylli Tiktok sepse e ka dhe jashtë kontrolli dhe pengon një hapësirë të madhe informacioni kundër tij.
Duke qenë se rrjetet sociale prodhojnë komunikim jashtë atij zyrtarë medias klasike, kjo sigurisht që krijon ndikim. E para duke krijuar komunikim të pavarur nga establishmenti, paraja, këtu krijon mundësi për një opozite të re. Fakti që njerëzit grupohen në të ngjashmin e tyre humbasin konfrontimin me ide të tjera dhe kjo e bën që ekstemizohen më shumë. Sot e majta ka shkuar në ekstrem që kërkon prindi një dhe prindi dy dhe e djathta gjithashtu sidomos në Amerikë, kanë shkuar në ekstremitet dhe ka prodhuar atë tension mes demokratëve dhe republikanëve. Ajo që po triumfon sot është radikalizmi dhe sidomos me fake news është problematike sepse ushqen informacione problematike që i con njerëzit drejt radikalizmit.” / abcnews.al
