Sekretari amerikan i Shtetit, Anthony Blinken hodhi poshtë idenë e aneksimit të Grenlandës, e cila është përmendur ditët e fundit nga presidenti i sapozgjedhur Donald Trump, duke siguruar se nuk do të ketë ndërhyrje ushtarake.
“Ideja e shprehur për Grenlandën nuk është padyshim e mirë, por, ndoshta më e rëndësishmja, nuk do të ndodhë,” tha Blinken në një konferencë shtypi në Paris së bashku me homologun e tij francez Jean-Noel Barot.
Trump refuzoi të përjashtonte mundësinë e përdorimit të forcës për të sjellë ishullin nën kontrollin e SHBA-së, gjë që ai tha se SHBA-së i nevojitej për arsye të sigurisë kombëtare.
Grenlanda është një territor autonom i Mbretërisë së Danimarkës dhe Kopenhagen ka njoftuar se nuk do të bëhet një shtet amerikan./abcnews.al
