Këshilli i BE-së miratoi pagesën e dytë të rregullt të granteve dhe kredive për Ukrainën, që do të thotë se ky vend së shpejti do të marrë më shumë se 4.2 milionë euro fonde të BE-së.
“Ukraina do të marrë së shpejti më shumë se 4.2 miliardë euro fonde pasi Këshilli i BE-së dha dritën jeshile për disbursimin e dytë të rregullt të granteve dhe kredive sipas Instrumentit të BE-së për Ukrainën për të mbështetur stabilitetin makro-financiar të Ukrainës dhe funksionimin e administratës së saj publike.”, thuhet në njoftimin e Këshillit të BE-së.
Në vendimin e miratuar, Këshilli konkludoi se Ukraina ka përmbushur kushtet e nevojshme dhe reformat e parashikuara në planin ukrainas për marrjen e fondeve, të cilat do të paguhen nga Instrumenti për Ukrainën. Në të njëjtën kohë, ai vuri në dukje rëndësinë e ndarjes së parave sa më shpejt të jetë e mundur duke pasur parasysh, siç tha ai, situatën e vështirë fiskale në Ukrainë.
Plani i Ukrainës përcakton synimet e Ukrainës në lidhje me rimëkëmbjen, rindërtimin dhe modernizimin e vendit dhe reformat që planifikon të zbatojë në kuadër të procesit të anëtarësimit në BE në katër vitet e ardhshme.
Në maj të vitit 2024, Këshilli i BE-së arriti në përfundimin se Plani i Ukrainës plotësonte parakushtet që Ukraina të merrte mbështetje në shumën prej 50 miliardë euro nga Instrumenti për Ukrainën dhe kësti i parë i BE-së u pagua në gusht të këtij viti./abcnews.al
