Grabitet banesa e dy shtetaseve të huaja në Vlorë, shpallen në kërkim autorët

Dy persona nga Vlora, 39 dhe 41 vjeç, janë shpallur në kërkim nga policia për vjedhje.

Sipas policisë, dyshohet se këta persona kanë vjedhur një ditë më parë në një banesë të marrë me qira nga dy shtetase të huaja, njëra kolumbiane dhe tjetra venezueliane.

Ata kanë arritur të marrin një shumë prej 500 euro, një aparat celular Samsung dhe një dokument udhëtimi. Policia vijon punën për kapjen e autorëve të dyshuar të ngjarjes./abcnews.al