Ky adoleshent publikoi këtë video ne rrjetet sociale një dite pas vrasjes së Martin Canit me thikë nga një shok I shkollës Fan Noli në Tiranë.
Në fjalët e tij vihet re një gjuhë e ashpër urrejtjeje dhe kërcënimi.
Policia e shtetit thotë se e ka identifikuar adoleshentin. Ai është një 16-vjeçar i cili banon në SHBA, dhe ndaj tij nisi procedimi për veprën penale nxitje e urrejtjes ose grindjeve.
Në videon që qarkullon në rrjete sociale 16-vjeçari bën deklarata shokuese, për dhunë dhe vrasje me thikë madje ai inkurajon edhe bashkëfolësin që duhet të bëjë të njëjtat veprime.
Ndërkohë Abc news mëson se për ndjekjen e këtij personi sektori i krimit kibernetik në Policinë e Tiranës po bashkëpunon edhe me zyrën e sigurisë në ambasadën e shteteve të bashkuara të Amerikës në Tiranë.
Pak pasi policia njoftoi se e ka identifikuar dhe ka nisur procedimi penal, 16-vjeçari publikoi një video tjetër në rrjete sociale ku kërkon ndjesë për fjalët që ka thënë.
/abcnews.al
