Erion Merkja është i riu nga Kavaja, që është bërë viral në rrjetet sociale. Ai i ka bërë nënës së tij një surprizë, e cila ka shpërthyer në lot. Ndërsa, i ka prekur të gjithë, duke marrë shumë komente.
I ftuar në “ABC e Mëngjesit”, Erioni tregoi se si u realizua surpriza, duke i dhuruar nënës një udhëtim për në vendin e shenjtë të Mekës, pasi ajo e kishte ëndërr.
“Gjyshi nga ana e mamit është besimtar praktikant, ai falet gjithmonë dhe na e ka trashëguar dhe ne. prandaj, për mamin ishte një surprizë shumë e bukur.
Ishte një lojë tip “gift way” dhe kush fitonte, ja bënte dhuratë mamas. Mirëpo, atje nuk lejohet të shkojnë vetëm femrat, prandaj do të shkoj dhe unë me të. Menduam nga që e ka ditëlindjen në datën 15 nëntor, t’ia bënim tani dhuratën, por agjencia mendoi që ta bënim udhëtimin në muajin shkurt”.
Më tej, ai u ndal dhe te videot e tij, duke thënë se si u bën virale: “Videot e para i kam bërë në janar të 2020 kur ishte ai bumi i Tik Tok. Kur pash që videot po ecnin dhe njerëzit donin sa më shumë funny, duke parë që ndjekësit po rriteshin, vazhdova t’i bëja”./abcnews.al
