Cristiano Ronaldo nuk e priti mirë zëvendësimin në ndeshjen kundër Milanit. Maurizio Sarri vendosi ta ulte në stol në fillimin e pjesës së dytë të përballjes me kuqezinjtë e Piolit dhe aktivizoi Paulo Dybala në vend të tij. Argjentinasi shënoi golin e fitores dhe të gjithë vlerësuan guximin e trajnerit për të zëvendësuar një “peshë të rëndë” si CR7.
Ky i fundit nuk u soll si një kampion, u nis drejt dhomave të zhveshjes dhe u largua nga stadiumi pa mbaruar ndeshja. Alessandro Del Piero ka dhënë mendimin e tij rreth kësaj situate në prononcimin e dhënë për spanjollen AS.
“Largimi nga stadiumi përpara mbylljes së ndeshjes nuk është sjellja e duhur për një lojtar të nivelit të tillë. Gjesti nuk ishte i bukur, por nuk është ky aspekti që ka rëndësi. Rëndësi ka sjellja e përditshme. Cristiano është një profesionist i madh dhe shokët e skuadrës e respektojnë shumë“, thekson Del Piero. /abcnews.al
