Loading ...Analisti Frrok Çupi thotë se votuesit amerikanë janë në ankth të jashtëzakonshëm, në pritje të rezultatit të zgjedhjeve presidenciale në SHBA.
Në maratonën zgjedhore në ABC News, Çupi u shpreh se edhe liderët politikë evropianë, janë në makth, se cili prej kandidatëve, Kamala Harris, apo Donald Trump, do të shpallet fitues.
“Ekonomia do ta rëndojë pozitën e demokratëve. Sigurisht që krahas ekonomisë, amerikanët po çmojnë shumë demokracinë. Kjo, sigurisht që është kundër Trump dhe në favor të demokratëve. Por do jenë votuesit amerikanë të fokusuar në premtimet e Trump, ky është problem që do të perceptohet tani. Votuesit amerikanë janë në një ankth të jashtëzakonshëm. Në gjithë botën është ky ankth. Sidomos liderët e Evropës, në Evropë është makth i madh. Është çështje shumë e rëndësishme, ndahen gjëra të mëdha në botë”, theksoi ai./abcnews.al
