Policia e Korçës ka vijuar operacionin “Tempulli” duke vënë në pranga 6 persona në një aksion të zhvilluar gjatë mbrëmjes së djeshme dhe orëve të para të mëngjesit. Në pranga kanë rënë Besmir Gjezar, Erdis Hysi, Kristi Dule, Adi Manoku, Mateo Jahollari Marjus Lako si edhe Stiljan Lako.
Burime bëjnë me dije se janë ekzekutuar urdhrat e ndalimit të vendosura nga gjykata e Korçës, pas hetimit gati një vjeçar që ka kryer policia dhe prokuroria. Sipas informacioneve, të arrestuarit janë nga Korça dhe gjatë hetimeve janë siguruar prova që ata janë të përfshirë në aktivitetin e trafikut të lëndëve narkotike.
Nga të dhënat, janë bërë 15 kontrolle në banesa, lokale e vende ku të arrestuarit mund të shisnin lëndën narkotike.
Mësohet se janë sekuestruar edhe sasi të vogla lëndësh narkotike ndërsa pritet informacioni zyrtar nga policia e Korçës.
/abcnews.al/
