Ishte dita e barazimeve.
Kanë përfunduar edhe dy sfida të tjera të vlefshme për javën e 10-të të Abissnet Superiore, me katër skuadrat që kanë ndarë pikët në përballjet e luajtura.
Kështu, Tirana e Laçi kanë ndarë pikët në “Stadiumin e Korçës”, me dy skuadrat që ashtu si në fazën e parë e mbyllën sfidën me rezultatin 1-1, ku për “Bardheblutë” golin e shënoi Jarmouni në minutën e 42’-të dhe ishte po ai, i cili ndëshkoi skuadrën e tij, në sekondat e fundit të sfidës duke shkaktuar një autogol.
Siç theksuam edhe më sipër, në barazim ka përfunduar edhe sfida tjetër e pasdites ajo e “Elbasan Arena”, me “Verdhebluve” vendas dhe Skënderbeun, me sulmuesin e Elbasanit, Ze Gomes, i cili barazoi shifrat pas golit të Ermir Rashicës.
Falë këtyre rezultateve, nuk ka ndryshuar aspak pozicionoi i këtyre skuadrave në renditjes, me Elbasanin që vijon të mbetet në vendin e 4-t me 15 pikë, Tirana në vendin e 7-të me 11 pikë, po aq sa Skënderbeu i vendit të 8-të, ndërsa Laçi vijon të mbetet në vendin e fundit të renditjes me vetëm 7 pikë pas 10 javësh. /i.m /abcnews.al
