Presidenti rus Vladimir Putin tha se Rusia është e gatshme të ndihmojë në gjetjen e një kompromisi mes dy armiqve më të mëdhenj, Izraelit dhe Iranit.
“Ne jemi në kontakt me Izraelin, ne jemi në kontakt me Iranin. Ne kemi një marrëdhënie mjaft konfidenciale. Dhe ne do të dëshironim shumë që ky shkëmbim i pafund goditjesh të ndalet në një moment dhe të gjendej një mënyrë për të zgjidhur situatën në një mënyrë që do të kënaqte të dyja palët”, u tha Putin gazetarëve.
Presidenti i Rusisë shtoi:
“Përgjigja e pyetjes qëndron gjithmonë në kërkimin e kompromiseve. A janë të mundshme në këtë situatë apo jo? Mendoj se po, sado e vështirë të jetë. Por për mendimin tim, është e mundur.”
Izraeli u ka prerë kokën udhëheqësve të aleatëve të Iranit, Hamasit palestinez dhe Hezbollahut libanez në javët e fundit dhe Irani nisi një sulm me raketa ndaj vendit më 1 tetor. Rajoni tani është në pritje të përgjigjes së Izraelit.
Putin tha se Rusia është e gatshme të ndërmjetësojë nëse të dyja palët e dëshirojnë atë.
“Nëse kjo është kërkesa, ne jemi të gatshëm të bëjmë gjithçka në fuqinë tonë në kontakt me të dyja palët për të ndihmuar në gjetjen e atyre kompromiseve”, tha presidenti rus./abcnews.al
