Ushtria izraelite njoftoi sot se ka dërguar një njësi tjetër për të mbështetur forcat e saj që operojnë në Jabalia, më i madhi nga tetë kampet historike të refugjatëve në Rripin e Gazës.
Banorët e Jabalia në pjesën veriore të Rripit të Gazës treguan se tanket izraelite kanë arritur në qendër të kampit, duke bombarduar rëndë zonën nga ajri dhe nga toka.
Ushtria izraelite tha se forcat e saj, të cilat kanë operuar në Jabalia për dy javë, vranë dhjetëra militantë të enjten, nisën sulme ajrore dhe shkatërruan infrastrukturën ushtarake.
Sipas Forcave të Armatosura të Izraelit (IDF), operacionet në Jabalia kanë për qëllim parandalimin e rigrupimit të luftëtarëve të Hamasit dhe kryerjen e sulmeve të reja./abcnews.al
