Ka mbërritur në Shqipëri makineria moderne “Tamping”, një makineri vetëlëvizëse e montuar në hekurudhë që pritet t’i japë një hov punimeve për linjën hekurudhore Tiranë-Durrës-Rinas.
Ministrja e Infrastrukturës dhe Energjetikës Belinda Balluku, nëpërmjet një reagimi në Facebook shprehet se punimet në këtë linjë kanë hyrë në një fazë të re.
Gjithashtu shton se linja hekurudhore Tiranë-Durrës-Rinas do të jetë një linjë tërësisht elektrike, me një impakt të rëndësishëm në fushën e transportit në vend.
Reagimi:
Mbërrin në Shqipëri makineria moderne, e cila do t’i japë një hov më shumë punimeve për linjën hekurudhore Tiranë-Durrës-Rinas.
Punimet për këtë linjë kanë hyrë në një fazë të re.
- Makineria që njihet me emrin Tamping, ose e thënë ndryshe makineria “rrafëse”, është një makineri vetëlëvizëse e montuar në hekurudhë.
- Ajo përdoret për të paketuar/shtypur çakëllin/ballastin e binarëve nën shinat, duke i bërë ato më të qëndrueshme dhe në nivel.
- Makineritë rrafëse janë thelbësore për përdorimin e traversave të betonit, pasi ato janë shumë të rënda (zakonisht mbi 250 kg).
- Gjithashtu, Tamping korrigjon shtrirjen e shinave për t’i bërë ato paralele dhe në nivel, në mënyrë që të arrihet një udhëtim më i rehatshëm për pasagjerët dhe mallrat.
- Linja hekurudhore Tiranë-Durrës-Rinas do të jetë një linjë tërësisht elektrike, me një impakt të rëndësishëm në fushën e transportit në vend.
