Incidentet antisemitike në SHBA kanë arritur një rekord të lartë që nga sulmi i Hamasit të vitit të kaluar në Izrael, sipas një raporti paraprak nga Qendra e Lidhjes Anti-Shpifje për Ekstremizmin (ADL).
Grupi zbuloi më shumë se 10,000 incidente nga 7 tetori 2023 deri më 24 shtator të këtij viti, një rritje më shumë se 200% krahasuar me të njëjtën periudhë të një viti më parë. Kjo është shifra më e lartë që ur ADL filloi të gjurmonte incidente të tilla në 1979.
Raporti vjen vetëm disa ditë pasi FBI dhe Departamenti i Sigurisë Kombëtare lëshuan një deklaratë të përbashkët duke paralajmëruar për kërcënime të mundshme të dhunshme në mes të trazirave të vazhdueshme në Lindjen e Mesme.
“Jemi përballur me një numër tronditës kërcënimesh antisemitike dhe kemi përjetuar thirrje për më shumë dhunë kundër izraelitëve dhe hebrenjve kudo”, tha në një deklaratë CEO i ADL Jonathan Greenblatt.
Shtetet me numrin më të madh të rasteve të regjistruara në raport ishin Kalifornia, me 1,266 incidente, Nju Jorku me 1,218, Nju Xhersi me 830 dhe Florida me 463./abcnews.al
