Liceu Artistik “Jordan Misja” dhe Shkolla Koreografike në Tiranë kanë marrë status të veçantë nga Ministria e Arsimit dhe Sportit.
Simbolikisht ministrja Ogerta Manastirliu i dorëzoi në një ceremoni zyrtare.
Dy shkollave me orientim artistik ky status i jep autonomi menaxheriale dhe financiare.
Shkollat mund të rrisin të ardhurat e tyre përmes aplikimit për projekte apo dhënien e shfaqjeve të ndryshme.
Buxhetin e përftuar mund ta përdorin për investime në shkollë dhe rritjen e cilësisë së mësimdhënies.
Riorganizimi mundëson lidhje më të integruar me Universitetin e Arteve, Teatrin e Operas dhe Baletit apo teatro të tjera në vend. Ndërkohë që fëmijët me prirje të veçantë mund të rekrutohen që në moshë shkollore.
Përveç shkollave me drejtim artistik status të veçantë do të përftojnë dhe shkollat me drejtim sportiv.
Qeveria e vendosi pak muaj më parë me qëllim zbulimin e taleteve të reja, zhvillimin e këtyre shkollave dhe përshtatjen me tregun e punës.
