Skuadra e Partizanit ka qenë sot e pranishme në Qendrën Komunitare “Gonxhe Bojaxhi”, pasi 19 nëntori shënon ditën e parandalimit të abuzimit ndaj fëmijëve. Disa futbollistë të “Demave” kanë luajtur një ndeshje mini-futbolli me disa nga fëmijët në këtë qendër komunitare. Çinari, Boldor, Romero dhe Broja kanë qenë futbollistët që kanë luajtur së bashku me fëmijët.
Skuadra e Partizanit shkroi: 19 NËNTORI / DITA BOTËRORE E PARANDALIMIT TË ABUZIMIT TË FËMIJËVE
Kampionët pjesë e fushatës
Disa prej lojtarëve të ekipit ishin sot pjesë e aktivitetit sportiv në kuadër të Ditës Botërore të Parandalimit të Abuzimit të Fëmijëve, organizuar në ambientet e Qendrës Komunitare “Gonxhe Bojaxhi”.
Senatorët e kuq Çinari, Boldor, Romero, Broja janë bërë pjesë e një minindeshje futbolli me fëmijët, të cilët kanë kaluar disa momente emocionuese dhe të paharrueshme me kampionët e kuq.