Gjykata e Gjirokastrës ka caktuar masën ‘Arrest në burg’ për Andrea Kalemin dhe Julian Kalemin, për vrasjen e Edmond Papës në 16 dhjetor në zonën e Selitës në Tiranë.
Në qershor 2022, mbeti i vrarë në një shpërthim me eksploziv, Aleksandër Sadikaj. Pak muaj më vonë u ekzekutua në zonën e Selitës biznesmeni Edmond Papa, si shenjë hakmarrje për vrasjen e Sadikajt.
Më herët, Gjykata e Tiranës ka lënë të pandryshuar masën e sigurisë “arrest në burg” për Andrew Bode. Gjatë seancës Bode ka mohuar akuzën, duke pretenduar se nuk ka asnjë lidhje me vrasjen e Edmond Papës në zonën e Selitës në vitin 2022.
Njoftimi i plotë:
Gjykata e Shkalles se Pare, Juridiksioni i Pergjithshem Gjirokaster, shqyrtoi kerkesen e Prokurorise Gjirokaster, me objekt; vleresim arresti dhe caktimin e mases se sigurise per personin ne hetim A.K.
Ne perfundim te seances, gjykata vendosi:
- Vleftesimin e ligjshem te arrestimit ne flagrance, ne date 28.08.2024, te shtetasit A K., I dyshuar per kryerjen e veprave penale; “Mbajtje pa leje dhe prodhim I armeve, armeve shperthyese dhe municionit”, “Prodhimi dhe mbajtja pa leje e armeve te gjuetise dhe sportive” dhe “Pastrimi i produkteve te vepres penale ose veprimtarise kriminale”, parashikuar nga nenet 278/3 dhe 4, 280, si dhe 287/1 te Kodit Penal.
- Caktimin ndaj personit nen hetim Andrea Kalemi masen e sigurimit ” Arrest ne burg”, parashikuar nga neni 238 I Kodit te Procedures Penale.
Gjykata e Shkalles se Pare Juridiksioni i Pergjithshem Gjirokaster./abcnews.al
