Përfaqësuesi i Lartë i BE-së tha se është hera e parë pas disa vitesh që Ministri i Jashtëm i Turqisë ftohet në një Këshill joformal të BE-së dhe falënderoi të gjithë ata që lejuan marrjen e këtij vendimi.
“Është e rëndësishme që Turqia të kuptojë rolin e BE-së në lidhje me pozicionet e vendeve tona anëtare, Qipros, e cila ka marrëdhënie të vështira me Turqinë,” tha Borrell, duke vënë në dukje se mënyra më e mirë për t’u përpjekur për të zgjidhur situatën është dialogu.
Ministri i Jashtëm turk është ftuar në drekën e punës të 27 ministrave të jashtëm të BE-së dhe në margjina do të ketë bisedime dypalëshe me disa ministra.
Borrell shprehu shpresën se këto bisedime do të jenë pozitive në adresimin e çështjeve që BE ka me Turqinë.
“Kjo është një iniciativë e mirë. Gjithçka mund të zgjidhet me dialog dhe vullnet të mirë”, shtoi ai.
/abcnews.al
