Thatësira e tejzgjatur e kësaj vere ka ndikuar në prodhimin e energjisë elektrike. Temperaturat e larta kanë bërë që edhe konsumi i energjisë elektrike të prekë nivelin maksimal.
Nisur nga kjo Korporata Elektroenergjitike Shqiptare është detyruar për të blerë energji elektrike. Në bazë të procedurës rezulton se për periudhën 12-18 gusht është blerë energji elektrike në vlerën e 6 milionë eurove.
Çmimi mesatar me të cilën është blerë energjia varion nga 99 deri në 130 euro për megavator. Sipas të dhënave, rezulton se gjatë muajit korrik për shkak të temperaturave të larta konsumin i energjisë elektrike ka arritur shifrën e ??.? milionë KW i cili konsiderohet maksimal për këtë periudhë viti.
Ndërkohë që rezervuari më i madh për energjinë në vend liqeni i Fierzës ka pësuar një ulje të ndjeshme të nivelit dhe gjatë ditëve të fundit rezulton se është 287.3 metra nga 296 që është maksimalja. Po ashtu edhe prurjet janë në nivele të ulëta dhe rezultojnë se janë vetëm 70 metër kub në sekondë.
Sipas parashikimeve meteorologjike, edhe muaji gusht pritet të mbyllet pa reshje duke ndikuar direkt në prodhimin e energjisë elektrike në kaskadën e Drinit./abcnews.al
